Казакстанда өрттөн бир үй-бүлөдөн 5 бала каза болду. Бул тууралуу казакстандык басылмалар жазып чыгышты.
Маалыматка ылайык, өрт 19-февралда саат 15:15те Жамбыл облусунун Жанатас шаарында 5 кабаттуу үйлөрдүн биринде чыккан. Аталган өлкөснүн Өзгөчө кырдаалдар министрлигинин маалыматы боюнча, үчүнчү кабаттагы батир өрттөнүп, анда чоңдордун көзөмөлүсүз 2015, 2016, 2017, 2019 жана 2020-жылы туулган беш бала болгон. «Алдын ала маалыматтар боюнча, алардын атасы жумушта болгон, ал эми апасы дүкөнгө кеткен. Өрттүн кесепетинен балдардын бардыгы көмүр кычкыл газынан жабыркап, тезинен ооруканага жаткырылган, бирок бир аз убакыттан кийин алар көз жумган», — деп жазылат маалыматта.
