Казакстандын Усть-Каменогорск шаарында беш жашар кыз автобустун алдында калып каза болду. Бул тууралуу Спутник Казакстан жазып чыкты.
Маалыматка ылайык, окуя кечээ, 21-апрелде болгон.
«Алар менин кошуналарым. Мен анын бетин жаап койдум… Үч мүнөттөн кийин баары чуркап келишти. Ал болгону беш жашта эле. Автобустан чоң энеси кармап турган. Эшик жабылып, кыздын буту кыпчылып калыптыр. Автобус ылдый жүрүп кеткен”,-деп жазган күбөлөрдүн бири социалдык тармактагы баракчасына.
Чыгыш Казакстан облустук ички иштер башкармалыгы айдоочу 59 жашта болгонунун, 2017-жылкы кыз автобустун алдында калып калганын билдирген. Кыз алган жаракатынан улам каза болгон.
Бул окуяга байланыштуу кылмыш иши козголгон.
