Бишкек шаарынын мурдагы мэри Эрмек Нургазиев СИЗО-1ге камакка алынганын Чүй ОИИБинин басма сөз кызматы билдирди.
Маалыматка ылайык, Нургазиев тергөө аяктаганга чейин камакта болот. Ал 2019-жылы июль айынын башында райондук милицияга турак жай курулуш кооперативдеринин биринин төрагасы болуп туруп, мурда сатылган батирлерин кайра сатып жибергени үчүн Нургазиевге карата чара көрүү боюнча арыз түшкөн.
Ушул жылдын 18-мартында аталган фактыга шектелип Эрмек Нургазиев кармалып, убактылуу кармоочу жайга киргизилген. Анын үстүнөн жамааттык арыздан тышкары 7 арыз түшүп, келтирилген жалпы чыгым 7 миллион 845 миң 692 сомду түзгөн.
Эскерте кетсек, Нургазиев Бишкек шаарынын мэринин милдетин аткаруучу болуп 2021-жылы февраль айында дайындалып, бир күндөн кийин кызматтан кеткен.
Кармалган жарандан жабыр тарткандар болсо милицияга (0312 43 01 27 же 102) кабар берип коюуну Чүй ОИИББ билдирет.
