Түндүк Кореянын лидери Ким Чен Ындын жубайы Ли Соль Чжу дээрлик жарым жылдан кийин эл алдына биринчи жолу чыкты. Чет элдик маалымат булактары жазып чыккандай, Ким Чен Ын жубайы Ли Соль Чжу менен биргеликте Ай календары боюнча Жаңы жылдык кече үчүн Пхеньяндагы Мансудэ көркөм театрына келген. Муну менен Ли Соль Чжунун 5 ай ичинде интернет желесине жарыяланган алгачкы сүрөтү болуп калды.
Буга чейин биринчи айым 2021-жылдын сентябрь айында өлкөнүн эгемендүүлүгүнө арналган иш-чарада акыркы жолу эл алдына чыккандыгы айтылат маалыматта.
