Коңшу өлкөгө күйүүчү-майлоочу майларды мыйзамсыз экспорттогондор кармалды. Бул тууралуу УКМКнын басма сөз кызматы билдирди.
Маалыматка ылайык, 2021-жылдын 27-февралында КР УКМК мамлекеттик чек–араны мыйзамсыз кесип өтүү фактысы боюнча кылмыштардын жана жоруктардын бирдиктүү реестрине катталган сотко чейинки өндүрүштүн алкагында, КР УКМК чек-ара кызматы менен биргеликте күйүүчү-майлоочу майларды Кыргызстандан коңшу республикалардын бирине мыйзамсыз экспорттоо каналынын ишине бөгөт коюлду.
Такталгандай, жалпы салмагы 10 тоннага жакын күйүүчү-майлоочу майга тиешелүү документтери жок Кыргыз Республикасынын жараны Ж.Ш. аттуу күйүүчү май ташыган унаанын айдоочусу Лейлек районунун Ак-Арык айылы аркылуу коңшу республикалардын бирине бара жаткан.
УКМК мыйзамсыз иш-аракеттерди документтештирүү жана бул фактыга тиешеси бар башка адамдарды аныктоо боюнча тийиштүү иш-чаралар улантылууда.
