Нарын облусунун Кочкор районунда наркы 40 миллион сомду түзгөн Кыргыз Республикасынын Юстиция министрлигинин жаңы имараты курулууда. Бул тууралуу Курулуш министрлигинин басма сөз кызматы билдирди.
Маалыматка ылайык, долбоор республикалык бюджеттин эсебинен каржыланып, Турак жай-жарандык курулуш департаменти тарабынан ишке ашырылууда.
“Жалпы аянты 748 чарчы метрди түзгөн эки кабаттуу имарат бардык шарттары менен салынууда. Объекттин курулуш иштерин “Монолит RG” ЖЧКсы аткарып, азыркы тапта имараттын чатырын жабуу этабына жетти”, — деп жазылат маалыматта.
