Билим берүү жана илим министри Алмазбек Бейшеналиев Нарын облусунун Кочкор районуна барды. Бул тууралуу жергиликтүү ЖМКлар министрдин жардамчысы Илгиз Султанга шилтеме берүү менен жазышты.
Маалыматка караганда, министр Чолпон айылында каза болгон 54 жаштагы башталгыч класстын мугалиминин үй-бүлөсү менен жолугуп, куран окуган. «Алмазбек Бейшеналиев жана министрлик ар дайым мугалимдер тарапта болот», — дейт Ильгиз Султан.
11-мартта Кочкордо 54 жаштагы аялдын жансыз денеси асынган абалда кампадан табылган. Кийинчерээк анын мугалим экендиги маалым болгон.
