Кочкор районунун Мантыш айылындагы Таалайбек Курткаев атындагы орто мектептин жаңы курулган спорт залы ачылып, пайдаланууга берилди. Бул тууралуу аталган райондун администрациясынан билдирди.
Маалыматка ылайык, ачылышка Мамлекеттик катчы Сүйүнбек Касмамбетов, Билим берүү жана илим министри Алмазбек Бейшеналиев, Президенттин Нарын облусундагы ыйгарым укуктуу өкүлү Сабыркул Ашимбаев, Таалайбек Курткаев атындагы кайрымдуулук фондунун төрайымы Майрам Байтерекова, Кочкор районунун акими Курбанбек Камчыев жана райондун тургундары катышты.
Спорт залга жалпысынан 10 миллион 647 миң сом каражат сарпталган. Ага Таалайбек Курткаев атындагы кайрымдуулук фонд демөөрчүлү кылган. Курулуш иштери өткөн жылдын март айында башталып, ноябрь айында толугу менен салынып бүткөн.
