Колониядагы кыйноолор тууралуу видеолорду сыртка алып чыгып саткан Сергей Севельев эл аралык издөөгө алынды. Бул тууралуу Саратов облустук ИИБнин басма сөз кызматы билдирди.

Маалыматка ылайык, Сергей Савельев «Компьютердик маалыматка мыйзамсыз кирүү» кылмыш беренеси боюнча жоопкерчиликке тартылат. Ички иштер министрлигинен билдиришкендей, ал бул кылмышты өзү абакта отурганда жасаган. Азыр Савельев чет өлкөдө жашырынып жүрөт, Орусияда ага федералдык издөө жарыяланып, сыртынан камакка алынды.

Буга чейин Сергей Севельев укук коргоо органдарына 40 гигабайт видеожаздырууларды өткөрүп бергени маалымдалган. Ал видеолордон Саратов облусундагы абактагы кургак учук ооруканасында камалгандарга көрсөтүлгөн кыйноолор, басынтуулар жана зордуктоо фактыларын байкоого болот.

Бул тууралуу видеону “Gulagu.net” укук коргоо долбоору жарыялаган. Долбоордун негиздөөчүсү Владимир Осечкин ,уюм Орусиядагы Федералдык Жаза аткаруу кызматтарынан 1000ден ашык видеолорду алганын тастыктап, аларды этап-этабы менен жарыялаарын айткан. Анда бир гана Саратов облсусу эмес, бир нече облусунан алынган тасмалар бар.

Видеолор жарыялангандан кийин Тергөө комитети сексуалдык зомбулук жана кызмат абалынан кыянаттык менен пайдалануу боюнча жети кылмыш ишин козгогон. Саратов түрмөсүнүн ооруканасынын башчысы жана Федералдык Жаза аткаруу кызматынын аймактык башкармалыгынын дагы үч кызматкери кызматтан алынды.