Бишкекте каракчылыкка шектелген жарандар кармалды. Бул тууралуу Свердлов РИИБден билдиришти.
Маалыматка караганда, Свердлов РИИБге аял киши кайрылып, 29-мартта болжол менен саат 10:00 чамасында аны учтуу нерсе менен коркутуп, колун байлап, ысык үтүк басып, андан соң 27 миң сом акчасын, уюлдук телефондорун жана зер буюмдарын алып, белгисиз тарапка качып кеткен жаранга чара көрүүнү суранган.
Аталган факты Свердлов РИИБге катталып, Жазык кодексинин 207-беренеси менен кылмыш иши козголгон. Кылмышка шектелип, 1979 жана 1992-жылы туулган жарандар кармалып, камакка алынган.
