Бүгүн, 17-мартта Жогорку Кеңештин жыйынында депутат Камила Талиева баатырды каалагандай мазактоого жол берилбеши керектигин айтып, «министрдин этикага туура келбеген, ойлонулбаган кадамдары эл арасында сынга алынууда. Андыктан, аны тартипке чакыргыла»,- деди.
«Хирург Эрнст Акрамовду кыргыз элинин алдында каалагандай мазактоого эч кимдин укугу жок. Ал кишинин эмгеги сиңип, өмүрүн медицинага арнап койгон. Керек болсо үйү жок, ошол ооруканада жашайт. Министр айткан этикага туура келбеген сөздү айта албайм. Министрдин хирургдарга болгон өксүгү барбы же өчү барбы? Биз министрди колдойбуз деп жатабыз. Бул киши дагы этиканы сакташ керек да. Министр деген жаргон сөздөр менен сүйлөбөш керек, аны тартипке чакыргыла,», — деди Камила Талиева.
