Барктабасов Алмаз Батырканович «Кумтөр Голд Компани» ЖАКтын жетекчиси болуп дайындалды.
Маалыматка ылайык, Барктабасов буга чейин аталган ишкананын тышкы менеджери кызматын аркалаган. Ошондой эле башкармалыктын төрагалыгына Болот Идирисов келди.
Белгилей кетсек, Тенгиз Бөлтүрүк бир күн мурун, 23-августта шахтада каржылык мыйзам бузуулар аныкталганына байланыштуу ээлеген кызматынан бошотулду. Тактап айтканда, күйүүчү-майлоочу майлар, азык-түлүк, тетиктер базар баасынан жогору баада сатылып алынган.
Белгилей кетсек, ал дагы эле «Улуу көчмөндөрдүн мурасы» Улуттук холдингинин жетекчиси бойдон калды.
