IV Элдик курултайда Баткен районунун Суу-Башы айыл өкмөтүнөн делегат болуп келген Абдали Жайнаков президент Садыр Жапаровдон Ынтымак-Башат участкасына жаңы мектеп салып берүүнү суранды.
Ал билдиргендей, Бужум айылы район аймагында калк эң көп жайгашкан аймак. Ал жерде 13 миңден ашуун адам жашайт.
«Айылда эки орто мектеп бар. Алар айылдын чок ортосунда жайгашып, СССР убагында салынган. Азыркы убакта окуучулар 4 чакырым жол басып, мектепке барып, айрыкча кыштын күнү кыйналып жатышат.
Бужум айылынын Ынтымак-Башат участкасына бир мектеп салып беришиңиздерди сурабыз«,- деди ал.
Ошондой эле Садыр Жапаровго президенттик шайлоо алдында Ынтымак-Башат участкасына мектеп салып берүүнү убада кылганын эстетти.
«Президенттик шайлоо алдында эл менен жолугушууда Ынтымак-Башат участкасына бир мектеп салып берүүнү убада кылган экенсиз. Эл ошол убаданы эстетип кой деп жөнөтүштү. 2026-жылдын иш планына ушул мектепти киргизип берүүнү суранам. Жеке көзөмөлүңүзгө алыңыз»,— деди делегат.
Посмотреть эту публикацию в Instagram
