Шаршембиден баштап аба ырайы өзгөрүп, мезгил-мезгили менен кар жаайт. Бул тууралуу Кыргызгидрометтен билдиришти.
Абанын температурасы төмөндөп, кээ бир жерлерде туман түшөт. Жолдор тоңуп, тайгак болот. Батыштан соккон шамалдын ылдамдыгы секундасына 15-20, Ысык-Көл акваториясында 19-24 метрге чейин жетет.
23-январда жана 24-25-январда абанын температурасы кескин төмөндөйт: Чүйдө — түнкүсүн -15…-20, күндүз -4…-9 градус; Таласта — түнкүсүн -14…-19, күндүз -6…-11 градус; Ош, Жалал-Абад, Баткенде — түнкүсүн -6…-11, күндүз 0…-5 градус; Ысык-Көлдө — түнкүсүн -11…-16, күндүз -3…-8 градус; Нарын облусунда — түнкүсүн -20…-25, күндүз -5…-10 градус; тоолуу райондордо — түнкүсүн -20…-25, күндүз -8…-13 градус; Суусамыр өрөөнүндө — түнкүсүн -31…-36, күндүз -15…-20 градус суук болот.
