Жогорку Кеңештин төрагасы Талант Мамытов Корея Республикасынын Кыргызстандагы элчиси Ха Тэ Ёк жана KOICAнын өкүлү Ли Джонгсу менен жолугушту. Бул тууралуу КР ЖКнын басма сөз кызматынан кабарлайт.
Анда Кореяга экологиялык жактан таза айыл чарба продукцияларын, анын ичинде балды, кургатылган мөмөлөрдү жеткирүү, КР шайлоо системасын реформалоонун алкагында автоматтык эсептөө урналарын камсыздоо программасын жакшыртуу, “Санариптик парламент” долбоорун биргелешип ишке ашыруу тууралуу сөз болгон.
Талант Мамытов Кыргызстан менен Кореянын эки тараптуу мамилелеринин ар тараптуу өнүгүүсүнө көмөк көрсөтүүчү долбоорлорду батыраак ишке ашырылышына кызыктарлыгын билдирип, кызматташтык планын иштеп чыгуу үчүн жумушчу топту түзүүнү сунуштаган.
Элчи Кыргызстан Корея Республикасынын жаңы “түштүк” жана “түндүк” саясатынын алкагында кызматташуу үчүн жогорку потенциалга ээ болгон артыкчылыктуу өлкөлөрдүн тизмесине киргизилгендигин эске салды.
”Бүгүн Кыргыз Республикасы биздин өлкө үчүн өзгөчө кызыгуу туудурат, Кореянын жарандарынан Кыргызстанга келип кетүүнү каалагандардын саны улам көбөйүүдө”, — деди элчи.
