2025-жылдын январь айынан август айына чейин Кыргызстан Кытайга бал экспортун былтыркы жылдын ушул мезгилине салыштырмалуу 93,1% көбөйттү. Бул тууралуу Улуттук статистикалык комитетинин талдоосунда жазылат.
Маалым болгондой, бул аралыкта Кыргызстан Кытайга 73 тонна экспорттосо, былтыр январь-август айларында бул көрсөткүч 37,8 тонна болгон. Экспорттун көлөмү 19,3 млн сомго чейин өскөн.
Сегиз айда эле Кыргызстан 81,4 миллион сомдук 200,7 тонна бал (+7,4) экспорттогон.
Эскерте кетсек, Кыргызстан 2024-жылы 601,7 тонна бал экспорттогон. Бул экспорттун көлөмү 2,1 миллион долларга бааланган.
