Кыргызстан менен Беларустун кызматташтыкты бекемдөөчү дарамети чоң. Бул туурасында КР коргоо министри Руслан Мукамбетов беларустук кесиптеши Виктор Хренин менен жолугушуусунда билдирди.
Хренин Бишкекке тышкы иштер жана коргоо министрлеринин, ЖККУ өлкөлөрүнүн Коопсуздук кеңеш катчыларынын жыйынына катышуу үчүн келген.
“Биздин мамиле сый-урматтын, өз ара кызматташтыктын негизинде курулган”, — деди Мукамбетов.
Министрлер аскер кызматкерлининин жана алардын үй-бүлө мүчөлөрүнүн санаторий-курорттук дарылануусун талкуулашты. Ошондой эле кадр даярдоо, тажрыйба алмашуу пландары макулдашылды.
