Бүгүн, 24-сентябрда Кыргызстандын жана Орусиянын футбол боюнча курама командаларынын жолдоштук беттеши башталат. Ага карата, Бишкек милициясы тынчтыкты сактоого чакырат.
«Оюндун катышуучулары, күйөрмандар жана фанаттар коомдук тартипти сакташы керектиги, эгер улут аралык кастыкты козутуу жана башка кандайдыр бир чагымчыл аракет көрүү фактылары же ээнбаштык аныкталса, күнөөлүүлөр Кыргызстандын мыйзамдарына ылайык жазага тартылат»,-деп берилет билдирүүдө.
Белгилей кетсек, бүгүн кечинде «Кыргызстан — Орусия» футбол беттеши Дөлөн Өмүрзаков атындагы стадиондо өтөт.
