Илим, жогорку билим берүү жана инновациялар министрлиги «Ди-Тек» ЖЧКсы тарабынан иштелип чыккан «акылдуу» жөө жүргүнчү өтмөгүн патенттеди.
Түзмөк айдоочуларды өтмөктө жөө жүргүнчүлөр бар экендиги тууралуу эскертүүчү система болуп эсептелет. Конструкцияга жөө зонаны жарыктандыруу, сенсордук баскыч, үн аркылуу эскертүү жана убакыттын кыскарып баратканын көрсөтүүчү экран кирет.
Ойлоп табуунун негизги жаңылыгы — жөө жүргүнчүлөр өтмөгү күндүн убактысына карабастан көрүнүүчү жарык менен жарыктандырылат. Бул үчүн LED жөө жүргүнчү белгилери, стробоскоптор, Гобо-прожектор жана түнкү прожекторлор колдонулат. Бул сактыкты камсыз кылып, айдоочулардын жөө жүргүнчүлөргө алдын-ала көңүлүн буруусуна мүмкүнчүлүк түзөт.
Патентте белгиленгендей, бул иштеп чыгуу жол кырсыктарын алдын алууга жана жөө жүргүнчүлөрдүн өмүрүн сактап калууга багытталган, бул визуалдык жана үндүү эскертүү системаларын айкалыштыруу менен ишке ашат.
