Кыргызстан өнөр жайчылар жана ишкерлер союзунда Индиянын Соода-өнөр жай палатасынын өкүлдөрү менен жолугушууда өлкөбүздө боорду трансплантация борборун ачуу маселеси талкууланды. Бул тууралуу аталган союздан билдиришти.

Маалыматка караганда, Бишкекке 20дан ашык индиялык бизнес өкүлдөрү келген.

Маалым болгондой, жолугушууда индиялык тарап Кыргызстан менен кызматташуунун артыкчылыктуу багыттарын жарыялады, анын ичинде:

• медициналык жабдуулар менен камсыз кылуу жана тажрыйба алмашуу;
• туризм жана медициналык туризм;
• медициналык жардамды өнүктүрүү;
• медициналык эмеректерди жана медициналык буюмдарды, онкологиялык оорулуулар үчүн буюмдарды жеткирүү;
• боорду трансплантация борборун түзүү;
• дары чөптөрдү жана өсүмдүктөрдү кайра иштетүү;
• иммунитетти жогорулатуу үчүн суусундуктарды өндүрүү;
• дары-дармек жана заттар менен камсыз кылуу;
• текстиль буюмдары.

PHDCCI 1905-жылы негизделген жана Индиядагы алдыңкы палаталардын бири болуп саналат. Анын Бахрейнде Перс булуңунун алты өлкөсү үчүн өзүнүн эл аралык кеңсеси бар, ага чакан жана орто бизнести өнүктүрүүгө толугу менен багытталган 130 миң компания кирет.