Украинадагы атайын аскердик операция учурунда Россиянын Куралдуу күчтөрүнүн жоокери Эгемберди Дорбоев каза болду. Бул тууралуу Кыргызстандын Россиядагы элчилигинен билдиришти.
Маалыматка караганда, Дорбоев келишимдин негизде кызмат өтөп жаткан. Ал Россиянын жараны болчу. Бирок Кыргызстанда туулган. Норильск шаарынын мэринин маалыматына караганда, ал 8-мартта көз жумган. Ал жакында эле Норильск шаарына барып, 2021-жылдын күзүндө армияга чакырылып, андан кийин келишим түзүп, Белгород облусунда өзүнчө чалгындоо батальонунда кызмат өтөгөн.
