Кыргызстанда жыл башынан бери ишке орноштуруу кызматтары тарабынан 2,3 миң адам жумуш менен камсыздалган.
Эмгек, социалдык камсыздоо жана миграция министрлигинен билдиришкендей, дагы 1,5 миң адам кесиптик окутууга жиберилген, акы төлөнүүчү коомдук жумуштарга тартылган. Окутуу эмгек рыногунда талап кылынган кесиптерде — медициналык айым, компьютердин оператору, ашпозчу, косметолог, чач тарач, маникюрист, массажист, котормочу, бухгалтер, тигүүчү, айдоочу, электрогаз ширеткич, слесарь-сантехник кесиптеринде өткөрүлдү.
Жыл башында Кыргызстанда экономикалык активдүү калк 2,6 млн адамды, иш менен камсыз кылуу кызматтарында каттоодо турган жумушсуздардын саны 97,8 миң адамды түзгөн.
Республика боюнча жумушсуздуктун расмий деңгээли экономикалык активдүү калктын санынын 2,8 пайызын түздү.
Жумушсуздуктун төмөн деңгээли Бишкекте (1,2%) жана Чүй облусунда (1,4%) белгиленген.
