Кыргызстандыктар катуу жер титирөөдөн жабыркаган Түркиянын жашоочулары үчүн 6 тонна гуманитардык жардам чогултту. Бул тууралуу Түркиянын Кыргызстандагы элчилигинен билдирди.
Маалыматка ылайык (кышкы кийимдер, жууркандар, жаздык, памперс жана башкалар) чогулган гумжардам «Түрк авиалиниялары» жана «Пегасус» авиакомпаниялары аркылуу жөнөтүлдү.
«Биз кыргыз элине, өкмөтүнө жана Кыргызстандагы диаспораларга көрсөткөн жардамы жана колдоосу үчүн ыраазычылык билдиребиз», — деп айтылат маалыматта.
Белгилүү болгондой, элчиликте гуманитардык жардам чогулту боюнча иштер уланууда.
Акыркы маалыматтар боюнча, каза болгондор 20 миңден, жабыркагандар 80 миңден ашты.
