Жаш скульптор Тамила Маматовага Казакстандын II даражадагы “Достык” орденин ыйгарылды. Маалыматты Кыргызстандын Маданият, маалымат, спорт жана жаштар саясаты министрлиги таратты. Кабарлангандай, мындай сыйлыкты тапшырууга скольптор Тамила Маматованын Мухтар Ауэзовдун бюстун жасагандыгы, эки элдин достугун бекемдөөгө жана маданий алаканы жаңы деңгээлге алып чыгуусу негиз болгон.
Мамлекеттик жогорку даражадагы сыйлыкты Казакстан президенти Касым-Жомарт Токаевдин тапшырмасына ылайык, Казакстандын Кыргыз Республикасындагы элчиси Рапиль Жошыбаев тапшырды. Элчи өз сөзүндө Тамила Маматованын ишине казак эли ыраазы болуп жатканын айтып, ага чыгармачылык ийгилик каалаган.
Мухтар Ауэзовдун 125 жылдыгына карата анын Чолпон-Ата шаарындагы үй-музейи реконструкцияланып, Тамила Маматова жасаган бюсттун ачылышы июль айына пландалган.
«Достык” ордени Казакстандын мамлекеттик сыйлыгы болуп саналат. Ал жарандарга коомдогу өз ара ынтымакты сактоодогу үзүрлүү эмгеги, тынчтыкты, элдердин ортосундагы достукту жана кызматташтыкты чыңдоого сиңирген эмгеги үчүн Казакстандын президентинин жарлыгы менен ыйгарылат.
