Дүйнөлүк рейтингде Кыргызстандын футзал боюнча курама командасы 45-орунга көтөрүлдү. Бул тууралуу Futsal World Ranking сайтына жарыяланды.
Маалыматка ылайык, Кыргызстан курамасы дүйнөлүк рейтингде 1049 упай топтоп, бул рейтингдин алдыңкы ондугуна Бразилия, Испания, Португалия, Аргентина, Орусия, Иран, Казакстан, Парагвай, Италия, Хорватия кирген.
Эске салсак, 10-12-апрель күндөрү Бишкекте футзал боюнча Азия кубогуна Борбордук жана Түштүк курама зонасынан тандап алуу оюндары өтүп, жыйынтыгында Кыргызстан өз тайпасында 3-орун алган. Тактап айтканда, 5-сентябрдан 20-октябрга чейин Кувейтте өтө турган Азия Кубогуна катышуу мүмкүнчүлүгүнөн ажырап калган.
