Евразия өнүктүрүү банкынын маалыматы боюнча, 2025-жылдын январь-сентябрь айларында Кыргызстандын тышкы соода жүгүртүүсү 8,3 пайызга төмөндөп, 11,3 миллиард долларды түздү.
Талдоодо көрсөтүлгөндөй, экспорттун наркы 25,7 пайызга, импорттун көлөмү 3 пайызга төмөндөгөн.
Кытайдан алынып келинген машина жана жабдуулардын көлөмү 15,4 пайызга кыскарганы белгиленген. Ал эми Россияга болгон экспорттун наркы 2,1 эсеге азайган, бул биринчи кезекте машиналарды жана жабдууларды жеткирүүдөн түшкөн кирешенин азайышына байланыштуу.
Евразия өнүктүрүү банкы ЕАЭБге техниканы импорттоо эрежелеринин өзгөрүшүнө байланыштуу тышкы соода жүгүртүүнүн төмөндөө тенденциясы сакталат деп күтүүдө.
