Кыргыз Республикасынын Венгриядагы Элчилигинде Нооруз майрамына арналган иш-чара болуп өттү. Бул тууралуу ТИМдин басма сөз кызматы билдирди.
Маалыматка ылайык, иш-чараны куттуктоо сөзү менен Кыргыз Республикасынын Венгриядагы Атайын жана Ыйгарым укуктуу Элчиси Кушчубеков Талантбек Чоюбекович ачты.
Венгриянын лингвистика жана этнография илимдеринин кандидаты, венгр манасчысы Давид Кара Сомфайдын аткаруусунда, ошондой эле Венгрияда билим алып жаткан кыргызстандык студенттердин аткаруусунда улуттук ырлары ырдалып, Нооруз майрамын белгилешти.
Ал эми иш-чарага Венгриянын тышкы экономикалык байланыштар жана тышкы иштер министрлигинин, Түрк тилдүү мамлекеттердин кеңешинин Венгриядагы Өкүлчүлүгүнүн жана Мадяр-Туран Фондунун өкүлдөрү катышты. Иш-чарага 200дөн ашык адам катышты.
