Декабрда биринчи класстарга 2 жума кошумча каникул берилет. Бул тууралуу Агартуу министрлигинен билдиришти.
12 жылдык окутуудагы 1-класста окуган 6 жаштагы балдар үчүн каникул 2025-жылдын 24-декабрынан 2026-жылдын 18-январына чейин узартылат.
Калган класстардын кышкы каникулу мурдагыдай эле 31-декабрдан 11-январга чейин созулат. Алардын сабактары 2026-жылдын 12-январында башталат.
Ошондой эле 2025-2026-окуу жылына карата башка каникулдар дагы бекитилди:
- жазгы каникул – 6-8-март;
- май майрамдары – 1-10-май.
