Кечээ, 21-мартта Кытайда Boeing 737 учагы 133 жүргүнчүсү менен кулаганы маалым болгон. Тышкы иштер министрлиги кулаган учакта Кыргыз жарандары жок экенин билдиришти.
Белгилей кетсек, кырсык Кытайдын түштүгүндө катталган. Анда China Eastern Boeing 737 жүргүнчү учагы Учжоу шаарынын Тэн округунда кулап түшкөн. Flightradar24 агенттигинин маалыматына караганда, учак Куньминден жергиликтүү убакыт боюнча 13:15те учуп, Гуанчжоуга багыт алган. Учжоу аймагында саат 14:20 чамасында учак ылдамдыгын кескин азайтып, бийиктигин жогото баштаган, андан кийин радар экранынан көрүнбөй калган. Курман болгондордун саны белгисиз.
