Кызыл-Кыя шаарында мөндүр аралаш жааган жаандан улам И.Жусубалиев көчөсүндөгү балдар бакчасынын жана 1 турак үйдүн короосуна суу толуп, 6 куткаруучу тартылган. Бул тууралуу Өзгөчө кырдаалдар министрлигинин басма сөз кызматы билдирди.
Маалыматка ылайык, материалдык чыгым жана жабыр тарткандар болгон жок.
Ал эми Баткен районунун Таян айылында сел кетүүчү сайдан сел жүрүп, 1 км жакын ички чарбалык жолдун айрым бөлүктөрү, 10 гектарга жакын эгин талааларын сел суусу баскан. Болжол менен 1 км арык кум, шагылга толгон.
Жеринде аймактык жарандык коргонуу комиссиясы тарабынан тактоо иштери жүргүзүлүүдө.
Кошумча маалымат берилет.
Посмотреть эту публикацию в Instagram
