Лейлекте мыйзамсыз сакталып жүргөн ок атуучу курал алынды. Бул тууралуу Баткен ОИИБден билдиришти.
Лейлек РИИБдин кызматыкерлери тарабынан “Арсенал”, “Издөө” иш-чараларынын жүрүшүндө ыкчам маалыматтар алынып, иш аракеттер жүргүзүлүп, Лейлек айылынын 47 жаштагы тургунунун үйүнөн мыйзамсыз сактап жүргөн сайлуу ок атуучу курал жана анын 8 даана ок дарыларын аныкталып, алынган.
Тергөө иштеринин жүрүшүндө жарандын үйүнөн алынган “СКС” үлгүсүндөгү сайлуу куралдын эч кандай документтери аныкталган эмес. Бул факты Лейлек РИИБге Кылмыш жаза кодексинин 267-беренеси (куралды, ок-дарыларды мыйзамсыз жүгүртүү) менен катталып, тергөө иштери жүрө баштайт.
Ушул эле кылмыш ишинин алкагында ыкчам кызматкерлер ыкчам маалыматтардын негизинде Лейлек районунун Катраң айыл аймагынын 26 жаштагы жарандын жашаган үйүнөн 16 калибрдеги 1 стволдуу сайсыз ок атуучу куралы жана 2 даана ок дарылары менен эч кандай документи жок, мыйзамсыз сактап жүргөн жеринен аныкталып алынды. Бул алынган ок атуучу куралдарга тиешелүү экспетизалар дайындалып, жыйынтыгы чыгарылды.
