Лейлекте жашы жете электерге нике кыйып жүргөн молдо аныкталды. Бул тууралуу Баткен ОИИБден билдиришти.
Маалыматка ылайык, Лейлек районунун аймагындагы диний ырым-жырымдарды колдонууда мыйзамда көрсөтүлгөн жоопкерчиликтерди сактабай, жашы жете электерге нике кыйып жүргөн молдо аныкталды.
Бул факты боюнча сотко чейин өндүрүш иши башталган. Текшерүү иштеринде Лейлек районунун мечиттеринин биринин имам хатиби 63 жаштагы жаран октябрь айында жашы жете элек өспүрүмгө нике кыйган. Ошондой эле, район аймагында жыл ичинде башка молдолор тарабынан да жашы 18ге толо элек өспүрүмдөргө нике кыйган 2 факты аныкталды.
Учурда тергөө иштери жүрүп жатат.
