Ар кандай иш-чараларга өлкө башчысы катышат деп билдирүү таратып, акча талап кылган учурлар көбөйүп жаткандыгын Президенттин администрациясынын маалыматтык саясат бөлүмү маалымдады.
«Урматтуу кыргызстандыктар, акыркы убакта ар кандай кызматтык адамдардын атын жамынып, шылуундар жарандарга телефон чалып, КР президентинин катышуусунда делген иш-чараларга чакырып жатышат.
Андан ары ишенимге кирип, алдоо жолу менен акча талап кылышат.
Жарандарды сак болуп, шылуундардын мындай аракеттерине алдырбоону жана мындай көрүнүштөргө туш болгондо укук коргоо органдарына кайрылууну суранабыз».
