Мамветинспекциянын кызматкерлери мыйзамсыз текшерүүлөрдү жүргүзгөн. Аларга карата кылмыш иши козголду. Бул боюнча Башкы прокуратуранын басма сөз кызматы билдирди.
Маалыматка ылайык, прокурордук текшерүүдө ишкердикти өнүктүрүү боюнча ыйгарым укуктуу орган менен макулдашылбастан мыйзамсыз текшерүүлөр жүргүзүлгөндүгү аныкталган. Жыйынтыгында ишкерлерге айыптар салынды. Мыйзамга ылайык мамлекеттик орган менен макулдашылбаган текшерүүлөр мыйзам бузуу болуп саналып, жыйынтыктары жараксыз деп таанылган.
Белгиленген мыйзам бузууларды эске алуу менен, прокуратура тарабынан аталган инспекциянын кызмат адамдарынын кыймыл аракеттерине укуктук баа берүү үчүн топтолгон материалдар КР Жазык кодексинин 320-беренеси менен КЖБРге катталып, сотко чейинки өндүрүш башталды.
