Премьер-министр Улукбек Марипов кыргыз-тажик мамлекеттик чек арасындагы кырдаалды жөнгө салуу боюнча Ошто жабык эшик артында кеңешме өткөрдү. Бул тууралуу өкмөттүн басма сөз кызматы билдирди.
Маалыматка ылайык, премьер-министрге учурдагы абал тууралуу маалымат берилген.
«Эки мамлекет башчыларынын кыргыз-тажик мамлекеттик чек арасын делимитациялоо жана демаркациялоо боюнча өкмөттүк делегациялардын сүйлөшүүлөрүн жүргүзүү тууралуу жетишилген келишимине байланыштуу Улукбек Марипов Бишкек шаарына учуп кетти», — деп берилет маалыматта.
