«Мегаком» компаниясынын мурдагы жетекчиси, Жогорку Кеңештин мурдагы депутаты Акылбек Жамангулов соттун чечими менен камакта калтырылды. Бул тууралуу Бишкектин Биринчи Май райондук сотунан билдиришти.
«Биринчи Май райондук сотунун 14-марттагы токтомуна ылайык, Жамангулов 12-майга чейин камакта калтырылды. Ал Юстиция министрлигине караштуу №21 тергөө изоляторуна камакка алынды»,- деп айтылат маалыматта.
Акылбек Жамангулов мындан эки күн мурда Башкы прокуратура тарабынан кармалган. Алдын ала айтылган маалыматтарга караганда, ал алдамчылыкка шектелип жатат.
