16-мартка караган түнү Орусиянын Новосибирск шаарында көп кабаттуу үйдүн алдынан 47 жаштагы тургундун жансыз денеси табылган. Бул тууралуу Вести.RU жазып чыкты.
Маалыматка ылайык, коңшуларынын айтымында, кырсык болгонго чейин маркумдун батиринен кыйкырыктар жана катуу сөгүнгөн сөздөр угулган. Андан кийин аял менен бирге жашаган эркек «Мен кайра түрмөгө барбайм» деп кыйкырып үйдөн чуркап чыгып кеткен.
Учурда бул факты боюнча укук коргоо кызматкерлери иликтөө иштерин жүргүзүп, окуянын чоо жайы такталууда.
