Бишкекте Улуттук тарых музейинин 100 жылдыгына карата «Музейдеги түн» акциясы өттү.
Бир эле күнү 70ке жакын ар түрдүү иш-чара өтүп, миңдеген конокторду жана музей сүйүүчүлөрүн бириктирди.
Бул иш-чара «Өзгөрүүлөрдүн мезгилиндеги музейлердин келечеги» деген ураан алдында болду. Иш-чара тарых менен азыркы күндүн, маданият менен технологиянын, улуттук баалуулуктар менен дүйнөлүк тажрыйбанын синтезин чагылдырган өзгөчө майрамга айланды.
Шаардыктар мастер-класстарга күбө болушту. Келгендер өзүн бир катар тармакта сынап көрүүгө мүмкүнчүлүк алышты.
