Милиция кызматкерлерине баш ийбей кетип калган айдоочу кармалып, милиция бөлүмүнө жеткирилди. Бул тууралуу ЖККББнын басма сөз кызматынан билдиришти.
Маалыматка ылайык, Ош-Бишкек унаа жолунун 618-чакырымында “Lexus” үлгүсүндөгү авто унаанын 1986-жылы туулган Т.А. аттуу айдоочусу Ош облусунун жол кыймылынын коопсуздугун камсыздоо кызматкерлеринин мыйзамдуу талаптарына баш ийбей кетип калган.
Кызматкерлер токтобогон унааны кармоо үчүн, кийинки күзөттө турган кызматкерлерге маалымат берген. Жыйынтыгында, кызматкерлердин ыкчам чара көрүүлөрүнүн натыйжасында, 1986-жылы туулган Т.А. аттуу айдоочусу кармалып, унаасы айып короо жайына токтотулуп, жол эрежелерин бузгандыгы үчүн жалпысынан 41 миң айып салынган.
Ал эми айдоочусу андан ары тийиштүү чара көрүү үчүн милиция бөлүмүнө жеткирилген.
авто бейбаштык — 15 миң сом каршы тилке менен айдоо — 15 миң сом инспектордун талаптарына баш ийбөө — 5500 сом озуп өтүү эрежесин бузуу — 5500 сом
