Бүгүн, 22-февралда жергиликтүү маалымат каражаттарынын бирине камактагы мурдагы премьер-министр Мухаммедкалый Абылгазиевдин ачкачылык жарыялагандыгы жазылды. Мындан улам Кыйноолорду алдын-алуу борборуна кайрылганыбызда бул маалымат чындыкка дал келбей тургандыгын айтышты.
«Биз Мухаммедкалый Абылгазиев ачкачылык жарыялады деген имишти социалдык тармактардан окудук. Ал эми бизге жергиликтүү маалымат каражаттарынын бири байланышка чыкканда биз барып жолугарыбызды айтсак ушундай маалыматты таратып жиберишиптир. Мухаммедкалый Абылгазиев ачкачылык жарыялаган жок», — деп билдиришти аталган мекемеден.
