Москва районунда үч кишиге кислота чачкан жаран кармалды. Бул тууралуу ТАСС Ички иштер министрлигинин расмий өкүлү Ирина Волкка шилтеме берүү менен жазып чыкты.
Кылмышка шектелген адам Домодедово полициясынын кылмыш иликтөө бөлүмү тарабынан кармалган. Мекеменин маалыматына караганда, шектүү жабырлануучу аялдын мурдагы күйөөсү болуп чыкты. Тергөөнүн версиясы боюнча, ал мурдагы аялы менен анын жаңы сүйлөшкөн жигити Подольскийдеги үйдөн чыгып баратканда кислота чачып салган. Кислота жолдон өтүп бара жаткан 11 жаштагы мектеп окуучусуна да тийген.
Химиялык күйүк алгандардын баары Подольск шаарындагы ооруканалардын биринде. Кармалган жарандын ден соолугуна атайылап орточо оордуктагы зыян келтирүү фактысы боюнча кылмыш иши козголду. Анын үйү тинтилген.
