Бүгүн Нарын дарыясынын жээгинен дайынсыз жоголгон 4 жаштагы кызды издөөгө 135 адам чыкты. Бул тууралуу ӨКМ билдирет.
Издөө ишине Өзгөчө кырдаалдар министрлигинин Нарын шаардык Өзгөчө кырдаалдар бөлүмүнөн, N16, 47 ӨКБдан жалпы 35 куткаруучу 1 дрон, Авариялык куткаруу жана КамАЗ унаасы менен тартылды. Мындан сырткары ИИМден 90 кызматкер, жергиликтүү тургундардан 10 адам издөөгө чыгышты.
Эске салсак, 12-май күнү, саат 11:00 чамасында Нарын облусунун Нарын шаарында Нарын дарыясынын жээгинен 2019-жылы туулган Ж.Р. аттуу кыз жоголгондугу тууралуу маалымат түшкөн.
Издөөнүн жүрүшүнөн кошумча маалымат берилет.
