Нарында издөөгө алынган жарандын сөөгү саздан табылганын ӨКМнын басма сөз кызматы билдирди.
Маалыматка ылайык, ал Жумгал районуна караштуу Байзак айылынын Э.Т. , аттуу 66 жаштагы тургуну болгон. Туугандары аны 24-февралда үйдөн ат минип чыгып кеткен бойдон дайынсыз экенин билдирген.
6 куткаруучу тартылып, туугандарынын көрсөтмөсү менен Жумгал суусунун жээктеринен издөө ишин жүргүзүшүп, 4-мартта аталган жарандын сөөгү саздан табылган. Куткаруучулар миңген атынын жансыз денесин дагы саздан алып чыгышкан.
Маркумдун сөөгүн ИИМдин кызматкерлерине өткөрүп беришкен.
