«Navruz Cup 2022» эл аралык мелдешинин алкагында Кыргызстандын футбол боюнча курамасы Өзбекстандын командасы менен оюн өткөрдү. Бул тууралуу Кыргыз футбол бирикмеси билдирет.
Маалыматка ылайык, турнир 25-29-март күндөрү Наманган шаарында болуп, ага Кыргызстандан тышкары Өзбекстан, Тажикстан жана Уганданын командалары катышууда. Кыргызстандын курама командасы жарым финалда Өзбекстандын оюнчулары менен беттешип, 3:1 эсебинде утулуп калды.
Белгилей кетсек, 29-мартта Кыргызстан Тажикстандын курамасы менен оюн өткөрөт.
