Кыргызстандык FIFA уюмунун кыргызстандык калысы Нурдин Букуев Дүйнө чемпионатындагы беттештерди тейлөөгө чакырылды. Бул тууралуу Футболдук союзунун маалымат кызматы билдирди.
Маалыматка ылайык, футзал боюнча 2021-жылдагы дүйнөнүн мыкты командасын аныктаган мелдеш 12-сентябрдан 3-октябрга чейин Литва өлкөсүндө өтөт. Ага 24 курама команда катышып, ат салышат.
«Бул мелдеш Букуев үчүн рекорддук болуп эсептелет, тагыраагы, Дүйнө чемпионатына бешинчи ирет чакырылып жатат. Буга чейин төрт чемпионатты тейлеген. Чакыруу Кыргызстандын футболдук союзуна келип, Букуев катышууга макулдугун берген», — деп билдирет маалыматта.
Белгилей кетсек, Букуев Кыргыз футбол союзунун юридикалык бөлүмүнүн жетекчиси.
