21-ноябрда Кыргызстан-Оман беттешинин алдында футзал боюнча ФИФАнын экс-рефери Нурдин Букуевге Гиннесстин рекорддор китебинин сертификаты расмий тапшырылды.
Сертификатты Кыргыз футбол союзунун президенти Медербек Сыдыков тапшырды.
Нурдин Букуев калыстык кылган Дүйнөлүк чемпиондуктардын саны боюнча абсолюттук дүйнөлүк рекорддун ээси. Ал Гиннесстин рекорддор китебине кирген. Калыстык кылган 4 Дүйнөлүк чемпиондук бар — Бразилия-2008, Таиланд-2012, Колумбия-2016 жана Литва-2021.
2021-жылы Букуев КФСнын башкы катчысы кызматын ээлеген.
