Ооганстандын мурдагы каржы министри Халид Пайенда Вашингтондо таксист болуп эмгектенип жатат. Бул тууралуу The Guardian кабарлады.
Жакында эле 40 жаштагы министр АКШ өлкөсү бөлгөн 6 миллиард долларлык бюджетти көзөмөлдөп турган. Ал дал ушул жумуш менен 4 баласын жана жубайын багып жатат. Акыркы маегинде мурдагы аткаминер Кабулдан Вашингтонго көчүү ал үчүн абдан оор болгонун мойнуна алган.
Кабулду талиптер басып алганга бир жума калганда Пайенда каржы министри кызматынан кеткен. Өлкөнүн президенти Ашраф Гани менен мамилесинин начарлашынан камакка алынуудан коркуп, АКШга сапар алган.
