28-марттан тарта Instagram социалдык тармагынын орусиялык аналогу «Россграм» иштей баштайт. Бул тууралуу долбоордун «ВКонтакте» тармагындагы баракчасында айтылат.
Маалыматка караганда, ал алгач Android жана iOS платформалары үчүн тиркемеси болот.
«Биринчи ага белгилүү блогерлер, демөөрчүлөр жана инвесторлор катталышат. Башка колдонуучулар үчүн социалдык тармак апрель айынан тарта жеткиликтүү болот”, — деп айтылат билдирүүдө.
Эске салсак, Орусия Meta компаниясы модерация эрежелерин убактылуу жумшартып, колдонуучуларга Орусияга каршы билдирүүлөрдү жарыялоого уруксат бергенден кийин инстаграмга бөгөт коюу чечимин кабыл алган. Андан соң Орусиянын Башкы прокуратурасы Meta компаниясын экстремисттик уюм деп таанууну соттон өтүнгөн. Роскомнадзор Башкы прокуратуранын өтүнүчү менен инстаграмды жабууну чечкен.
