Курулуш, архитектура жана турак жай-коммуналдык чарба министри Нурдан Орунтаев Ош шаарына болгон иш сапарынын алкагында Ош эл аралык аэропортунда курулуп жаткан жаңы аэробекет комплексинин курулушу менен таанышты.
Жалпы аянты 26 миң чарчы метрди түзгөн имарат алты блоктон турат. Курулуш 2025-жылдын 25-апрелинде башталган. Учурда монолиттик иштер 95% аяктады. Жер төлөдөгү инженердик тармактарды орнотуу иштери 80% бүткөрүлдү. Биринчи кабаттагы иштер долбоорго өзгөртүүлөр киргизилип жаткандыктан убактылуу токтотулду.
Азыр курулушта 120га жакын жумушчу иштеп жатат. Өзгөртүүлөр бүткөндөн кийин алардын саны эки эсеге көбөйтүлөт. Иштер бекитилген график боюнча жүрүүдө.
Посмотреть эту публикацию в Instagram
