Ош облусунда кылмыштуулукту алдын алуу жана болтурбоо, кылмыш жасап качып жүргөн жарандары кармоо, мыйзамсыз миграциянын алдын алуу жана мыйзамсыз миграцияны уюштуруу кылмыштарын аныктоо багытында «Нелегал» аталышындагы иш-чаралар өттү. Бул тууралуу Ош ОИИБдин басма сөз кызматы билдирет.
Маалыматка ылайык, тышкы миграция мыйзамынын талаптарын бузгандыктары үчүн «Нелегал» операциясынын жүрүшүндө чет өлкөлүк 36 жаранга КРнын Бузуулар кодексинин негизинде протоколдор толтурулуп, жалпысынан 190 миң сом айып пул салынган.
Кылмыш жаза кодексинин 168-берененин (Мыйзамсыз миграцияны уюштуруу, мигранттарды мыйзамсыз алып келүү (алып чыгып кетүү) негизинде 3 факт аныкталып, кылмыштардын бирдиктүү реестрине катталган. Анын ичинен 1 факт боюнча кылмыш иши козголуп тергөө амалдары жүргүзүлүүдө.
Калган 2 факты боюнча териштирүү иштери жүргүзүлүүдө.
